Алсын хараа | Our Vision

ИКЛЭЙ-н үүрэг амлалт:
Бүгдэд тэгш хүртээмжтэй тогтвортой хот, суурин газар, бүс нутгийг цогцлооно

ИКЛЭЙ-н Мальмёгийн үүрэг амлалт, стратегийн алсын хараа бол 21-р зууны хотжилтын цорын ганц хөгжлийн загвар нь тогтвортой хөгжил байх ёстой хэмээсэн бидний тангараг юм. Бидний хамтарсан төсөл, хөтөлбөр, санаачилга, судалгаа, чадавх бэхжүүлэх болон нөлөөллийн үйл ажиллагаа нь дэлхий нийтийн үйл хэргийг тогтвортой хөгжил руу хөтлөн чиглүүлдэг.

ИКЛЭЙ-н гишүүн хот, суурин газар, бүс, орон нутгийн удирдагчид 2018 оны Монреаль дахь ИКЛЭЙ-н Дэлхийн их хурлын үеэр ИКЛЭЙ-н Монреалийн үүрэг амлалт, стратегийн алсын харааг танилцуулсан байдаг. Гурван жилийн дараа, Щвед улсын Мальмё хотноо зохион байгуулагдсан 2021-2022 оны ИКЛЭЙ-н Дэлхийн их хурлын виртуал нээлтийн үеэр, тус байгууллагын гишүүдийн төлөөлөл энэхүү алсын харааг шинэчлэн боловсруулж, 2021-2027 оны ИКЛЭЙ-н Мальмёгийн үүрэг амлалт, стратегийн алсын хараа гэсэн шинэ баримт бичиг боловсруулж, дахин үүрэг амлалт авсан юм.

Five critical, strategic and interlinked pathways serve as a compass to shape and manage our actions in a rapidly changing world and to transform our cities, towns and regions. These five pathways – low emission development, nature-based development, circular development, resilient development and equitable and people-centered development – serve as the basis of our sustainable urban development.

Хурдацтай өөрчлөгдөн буй өнөөгийн ертөнцөд үйл хэргээ удирдан, чиглүүлэх, хот, тосгон, бүс нутгуудын өөрчлөлт шинэчлэлтийн үйл явцад бид харилцан уялдаа бүхий таван чухал стратегийн чиг баримжааг голчлон баримталдаг. Тэгш хүртээмжтэй, хүн-төвтэй хөгжил, тэсвэрлэх чадвар бүхий хөгжил, байгальд түшиглэсэн хөгжил, хорт хий бага ялгаруулах хөгжил болон тойрог хөгжил гэсэн эдгээр таван зарчим нь тогтвортой хотын хөгжлийн үндэс суурь болж өгдөг.

Бодлого боловсруулан, хэрэгжүүлэх бидний арга барил дэлхий даяар өөрчлөлт, шилжилтийг хөтлөн чиглүүлж, тогтвортой хөгжлийг дэмждэг.

ИКЛЭЙ-н зүгээс тогтвортой хөгжлийн зарчмуудыг орон нутгийн болон бүс нутгийн түвшинд хэрэгжүүлснээр, хор хохиролтой үйл ажиллагааг таслан зогсоож, эргүүлэн засах, зөрүүтэй байдлыг арилгах, дэлхий ертөнцтэй харилцах харилцааг сэргээх, дэлхийн олон орны оролцогч тал, аж үйлдвэрийн салбар, бүс нутгуудыг хооронд нь холбох зэрэгт ихээхэн ахиц гарсан.

Энэхүү үүрэг амлалт болон стратегийн алсын харааг дэмжих зорилгоор бид тогтвортой хөгжлийн шилжилтийн, системчилсэн, шинэлэг чиглэлүүдийг бэхжүүлж, шаардлагатай зохицуулалтыг хийж, нийгэм, хүрээлэн буй орчны эрсдэлийг бууруулан хянаж, үйл ажиллагаа явуулдаг нутаг дэвсгэрт тогтворгүй байдал илэрвэл зогсоон ажилладаг.

Тогтвортой хөгжил бол өнөөгийн дэлхий дээрх цорын ганц боломжит арга зам юм.

Бид тогтвортой хөгжлийн үйл хэргийг дэлхий даяар эрчимжүүлэх зорилгоор алсын хараатай манлайлал, улс төрийн дэмжлэг үзүүлдэг. Мөн өөрсдийн үйл хэргээр үлгэрлэн, мэдлэгээ нээлттэй хуваалцаж, нэгэн зорилго дор дуу хоолойгоо нэгтгэдэг. Цаашлаад хөгжлийн бүх шийдвэрийг тогтвортой хөгжилтэй уялдуулан гаргадаг байх байнгын тогтолцоо бүхий урт хугацааны өөрчлөлтийн механизмыг бий болгохын төлөө зорьж байна. Глобал ертөнцийн энэхүү чухал шаардлагын улс төрийн өөрчлөлтөд өртөхүйц эмзэг, эрсдэлтэй байдлыг харгалзан үзэж саадгүй урагшлуулахаар зохион байгуулах хэрэгтэй юм.

ИКЛЭЙ-н үүрэг амлалт: Бүгдэд тэгш хүртээмжтэй тогтвортой хот, суурин газар, бүс нутгийг цогцлооно

Хотын тогтвортой хөгжлийн төлөөх бидний арга барил

ИКЛЭЙ-н үүрэг амлалт:
Бүгдэд тэгш хүртээмжтэй тогтвортой хот, суурин газар, бүс нутгийг цогцлооно