Алсын хараа | Our Vision

Тэгш хүртээмжтэй, тогтвортой хот, суурин газар, бүс нутгийг цогцлооно

ИКЛЭЙ Мальмёгийн амлалт, стратегийн алсын хараа нь тогтвортой хөгжлийг 21-р зууны хотын хөгжлийн цор ганц загвар болгох бидний амлалт юм. Манай байгууллагаас хамтран хэрэгжүүлдэг төсөл, хөтөлбөр, санаачилга, судалгаа, чадавх бэхжүүлэх болон нөлөөллийн үйл ажиллагаа зэрэг нь дэлхий нийтийн үйл хэргийг тогтвортой хөгжил руу хөтлөн чиглүүлж өгдөг.

Монреаль хотод 2018 онд болсон ИКЛЭЙ-н Дэлхийн их хурлын үеэр гишүүн хот, суурин газар, бүс, орон нутгийн удирдагчид хамтран ИКЛЭЙ Монреалийн амлалт, стратегийн алсын харааг боловсруулан танилцуулсан байдаг. Гурван жилийн дараа, Щвед улсын Мальмё хотноо зохион байгуулагдсан 2021-2022 оны Дэлхийн их хурлын виртуал нээлтийн үеэр, тус байгууллагын гишүүдийн төлөөлөл энэхүү алсын харааг шинэчлэн 2021-2027 оны ИКЛЭЙ Мальмёгийн амлалт, стратегийн алсын хараа нэртэйгээр боловсруулж, үүрэг амлалт авсан юм.

Five critical, strategic and interlinked pathways serve as a compass to shape and manage our actions in a rapidly changing world and to transform our cities, towns and regions. These five pathways – low emission development, nature-based development, circular development, resilient development and equitable and people-centered development – serve as the basis of our sustainable urban development.

Хурдацтай өөрчлөгдөн буй өнөөгийн ертөнцөд үйл хэргээ удирдан, чиглүүлж, хот, суурин газар, бүс нутгуудын өөрчлөлт шинэчлэлтийн үйл явцыг хэрэгжүүлэхдээ бид харилцан уялдаа бүхий таван чухал стратегийн чиг баримжааг голчлон баримталдаг. Тэгш хүртээмжтэй, хүн-төвтэй хөгжил, тэсвэрлэх чадвар бүхий хөгжил, байгальд түшиглэсэн хөгжил, хорт хий бага ялгаруулах хөгжил болон тойрог хөгжил гэсэн эдгээр таван зарчим нь хотын тогтвортой хөгжлийн үндэс суурь болж өгөх юм.

Бодлого боловсруулан, хэрэгжүүлэх бидний арга барил дэлхий даяар өөрчлөлт, шилжилтийг хөтлөн чиглүүлж, тогтвортой хөгжлийг дэмждэг.

ИКЛЭЙ-н зүгээс тогтвортой хөгжлийн зарчмуудыг орон нутгийн болон бүс нутгийн түвшинд хэрэгжүүлснээр, хор хохиролтой үйл ажиллагааг таслан зогсоож, эргүүлэн засах, зөрүүтэй байдлыг арилгах, дэлхий ертөнцтэй харилцах харилцааг сэргээх, дэлхийн олон орны оролцогч тал, аж үйлдвэрийн салбар, бүс нутгуудыг хооронд нь холбох зэрэгт ихээхэн ахиц гарсан.

Энэхүү үүрэг амлалт болон стратегийн алсын харааг дэмжих зорилгоор бид тогтвортой хөгжлийн шилжилтийн, системчилсэн, шинэлэг чиглэлүүдийг бэхжүүлж, шаардлагатай зохицуулалтыг хийж, нийгэм, хүрээлэн буй орчны эрсдэлийг бууруулан хянаж, үйл ажиллагаа явуулдаг нутаг дэвсгэрт тогтворгүй байдал илэрвэл зогсоон ажилладаг.

Тогтвортой хөгжил бол өнөөгийн дэлхий, ертөнц дэх цорын ганц боломжит арга зам юм.

Бид тогтвортой хөгжлийн үйл хэргийг дэлхий даяар эрчимжүүлэх зорилгоор алсын хараатай манлайлал, улс төрийн дэмжлэг үзүүлдэг. Мөн өөрсдийн үйл хэргээр үлгэрлэн, мэдлэг, туршлагаа нээлттэй хуваалцаж, нэгэн зорилго дор дуу хоолойгоо нэгтгэсэн байдаг. Цаашлаад хөгжлийн бүх шийдвэрийг тогтвортой хөгжилтэй уялдуулан гаргадаг байх байнгын тогтолцоо бүхий урт хугацааны өөрчлөлтийн механизмыг бий болгохын төлөө зорьж байна. Глобал ертөнцийн энэхүү чухал хэрэгцээ нь улс төрөөс хамаарах эрсдэл өндөр байдаг тул саадгүй хэрэгжүүлэх нөхцөл, боломжийг бүрдүүлэх тогтвортой хүчин зүйлс шаардагдана.

ИКЛЭЙ-н амлалт:

Тэгш хүртээмжтэй, тогтвортой хот, суурин газар, бүс нутгийг цогцлооно

Хотын тогтвортой хөгжлийн төлөөх бидний арга барил